ROTEVILLA

ROTEVILLA
urbec. Imperialis Sueviae, ad Nicrum, Helvetiis foederata: Dicta a voce German. Rott, i. e. cohorte, et Vila villa, quasi dicas, cohortium Cimbricarum mansionem: hae enim ibi consedisse dicuntur, postquam a Romanis fusi essent. Pagus primum fuit et villa exigua, dein civitas facta, aliquoties sedem suam mutavit: primo quidem trans Nicrum, dein ob Preimii torrentis crebras inundationes, in alteram eius ripam translata, quae vetus Civitas hodie appellatur, denique postquam conflagravit, paulo editiore in loco collcata est. 16. leuc. a Brisiaco in Ortum, 6. a Scaphusia in Boream. Hîc olim Iuridica sedes totius Sueviae; instituta a Conrado Suevo Imperaratore A. C. 1147. quando cum Lothario Saxone de imperio decertavit, ubi egregiam civium in se fidem expertus, Imperialis huius Iudicii axiomate illam compensavit. Assessores XII. ex ordine equestri vel Senatu legi soliti, sed Electores ad tractum Rheni et Comites Zollerii ab eo exempti sunt: Interim ab hoc
iudicio ad Cameram appellatum. In diaeta pacis Monasteriens. de eo abolendo actum. Vide Limnaeum Enucl. l. 4. c. 47. Capta urbs fuit bellô Germanicô a Gallis, sed reddita, et Mareschallus Guebrianus, victis prius Imperialibus, ex vulnere, obiit A. C. 1643.

Hofmann J. Lexicon universale. 1698.

Look at other dictionaries:

  • HELVETII — gens nobilissima cuius caput Aventicum olim, unâ cum Sequanis, Celtis sive Gallis proprie dictis attribuuntur a Caefare l. 1. c. 1. 2. et 3. qui illos reliquos Gallos virtute praecedere, omnibusque praestare, et totius Galliae plurimum posse ait …   Hofmann J. Lexicon universale

  • SUEVIA — vulgo SCHWABEN incolis, Sovabe Gallis, Suevia Italis, provincia Germaniae ampla, inter Bavariam ad Ortum, Rhenum ad Occasum, quô separatur ab Alsatia, Helvetios ad Meridiem, et Franconiam ad Boream. In ea autem sunt Suevia proprie dicta versus… …   Hofmann J. Lexicon universale

  • URBS — I. URBS ordinata est plurium aedificiorum, pro recipienda civitate, series, murô cincta: Dicta an ab urbo i. e. curvaturâ aratri, quô futurae urbis magnitudinem olim adumbrabant? An ab orbe, quod in orbem, cum prima moenium fieret designatio,… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.